Дәрігерлер жүрегінде туа біткен ақауы бар үш жастағы баланы аман алып қалды
АСТАНА. KAZINFORM – Ұлттық ғылыми медициналық орталықта сирек кездесетін туа біткен жүрек ақауы – үлкен тамырлардың түзетілген транспозициясы (КТГА) бар 2022 жылы туылған науқасқа жоғары технологиялық операция жасалды.
Денсаулық сақтау министрлігі мәліметінше, бұл –күрделі аномалия, онда атриовентрикулярлық қосылыс инверттелген: оң жақ атриум морфологиялық сол жақ қарыншаға, сол жақ атриумға – морфологиялық оң жақ қарыншаға қосылады.
Транспозицияның екі деңгейінің болуына қарамастан, қан ағымы физиологиялық тұрғыдан дұрыс болып қалады. Веноздық қан өкпеге, артериялық қан жүйелі айналымға бағытталған. Дегенмен жүйелі жүктемені морфологиялық оң жақ қарынша көтереді, ол әдетте төмен қысым жағдайында жұмыс істеуге арналған. Бұл оның прогрессивті систолалық дисфункциясына және жүрек жеткіліксіздігінің дамуына әкелуі мүмкін. Бірінші кезең 9 айлығында өкпе артериясын байлау операциясы болды. Бұл миокардты алдағы жүйелі жүктемеге дайындауға мүмкіндік берді.
2025 жылдың 13 маусымында кардиохирургиялық топ түбегейлі түзетуді – қос камералы кардиостимуляторды бір уақытта имплантациялау арқылы Double Switch операциясын жасады. Операция екі негізгі кезеңді қамтыды: қан ағымының анатомиялық дұрыс бағытын қалпына келтіруге мүмкіндік беретін Сеннинг операциясы (жүрекше деңгейінде веноздық бағытты өзгерту) және Джатен операциясы (негізгі тамырлар деңгейінде артериялық бағытты өзгерту). Операция шамамен алты сағатқа созылды, оның ішінде қолқаны қысу уақыты екі сағатқа созылды.
Интервенцияға дайындық көп сатылы болды. Орталық мамандары клиникалық көрініске егжей-тегжейлі талдау жасап, жетекші шетелдік профессорлармен кеңес ұйымдастырды. Мұны балалар кардиохирургиялық орталығының директоры Керімқұлов Амангелді Қуанышбекұлы ерекше атап өтіп, бүкіл ұжымның ұйымшылдығы мен кәсіби шеберлігі жоғары екенін атап өтті.
Хирургиялық бригада құрамына балалар кардиохирургиясы бөлімінің меңгерушісі, кардиохирург Бақытжан Абдуллаұлы, балалар кардиохирургиясы бөлімінің аға ординаторы Бауыржан Мырзабайұлы, балалар кардиохирургі Ербол Нұрланұлы, анестезиология, реанимация және балалар кардиохирургиясы бөлімінің терапия бөлімшесінің меңгерушісі Әсел Ханатқызы жетекшілік ететін анестезиолог-реаниматологтар бригадасы, емдеуші дәрігер, балалар кардиологы Арайлым Орынбекқызы, сондай-ақ орталықтың медбикелері кірді.
Бүгінде науқас 3 жаста. Алда сауықтыру курсы, операциядан кейінгі бақылау және оңалту. Дәл диагностиканың, командалық жұмыстың және заманауи хирургиялық мүмкіндіктердің арқасында бала толыққанды өмір сүре алады.
Айта кетейік, жыл басынан бері 79 қазақстандық бүйрегін алмастырған.