Индустрия және сауда министрі Теміртауда сапарда жүр
Министр Теміртауға Елбасы Жолдауын түсіндіру жөніндегі ақпараттық-насихат тобының жетекшісі ретінде келді.
Ә.Исекешев алдымен «АрселорМиттал Теміртау» акционерлік қоғамының металлургиялық комбинатында болды, содан кейін Қарағанды мемлекеттік индустриялық университетінің ғимаратында халықпен кездесу өткізді. Министр Елбасының «Жаңа онжылдық - жаңа экономикалық өркендеу - Қазақстанның жаңа мүмкіндіктері» Жолдауының негізгі баптары туралы әңгімелеп берді. «Қарағанды облысы өнеркәсіптік өндіріс ауқымы бойынша республикада үшінші орын алады және Жеделдете индустриялық-инновациялық дамыту бағдарламасын жүзеге асыруда өңірге айрықша рөл беріліп отыр», деп атап көрсетті Ә.Исекешев өз сөзінде.
Бүгін Ә.Исекешев Теміртауда жеке мәселелер бойынша азаматтарды қабылдайды.