Коммуналдық апаттан Қостанайдың басым бөлігі сусыз қалды
13:51, 25 Тамыз 2016
ҚОСТАНАЙ. ҚазАқпарат - Су құбыры желісіндегі апаттар мен жабдықтарды жоспарлы түрде ауыстыру қажеттігінен қостанайлықтарды ауыз сумен қамтамасыз ету жаппай істен шықты.
Қаланы сумен жабдықтайтын «ҚостанайСу» кәсіпорнының хабарлауынша, Мәскеу су таратқышында жөндеу жұмыстары белсенді жүріп жатыр.
Екі ілгек ауыстырылып, су таратқыш құбырлары жөнге келтіріліп жатыр.
Облыс орталығында жалпы саны 35 нысан мен көшеге су беру тоқтатылады.
Егер кешкі алтыға дейін апат салдары жойылмаса, «ҚостанайСу» арнайы көлікпен аудандарға су тарату жұмыстарын ұйымдастырады.