Лос-Анджелестегі жол-көлік оқиғасынан 20-дан астам адам зардап шекті

АСТАНА. KAZINFORM – Лос-Анджелестегі (Калифорния штаты) жол-көлік оқиғасынан 20-дан астам адам зардап шекті, деп хабарлайды ТАСС қалалық өрт сөндіру қызметі. 

Жергілікті қалалық өрт сөндіру қызметінің мәліметінше, жүргізуші көлігімен көпшілік жиналған жерге барып соғылған. 

– Алдын ала болжам бойынша, кем дегенде 4-5 адамның жағдайы ауыр, 8-10-ының жағдайы орташа ауыр, 10-15-інің жағдайы қанағаттанарлық, - делінген хабарламада. 

Жол апаты Санта-Моника бульварында болған. 

Еске сала кетейік, бұған дейін әлемдегі ең қарт марафоншы Үндістанда жол апатынан қаза тапқанын жазған едік.