Маңғыстау облысына Қазақстанның 5 облысы 100 млн. теңгеден қаржы бөлді - Үкімет отырысы

АСТАНА. 10 қаңтар. ҚазАқпарат /Руслан Ғаббасов/ - Маңғыстау облысына Қазақстанның 5 облысы 100 млн. теңгеден қаржы бөлді.

Бұл туралы бүгін Үкімет отырысында Ақтаудан селекторлық кеңес арқылы байланысқа шыққан Жаңаөзен қаласын қалпына келтіру бойынша үкіметтік комиссияның төрағасы-«Самұрық-Қазына» Ұлттық әл-ауқат қорының басшысы Өмірзақ Шөкеев мәлім етті.

Естеріңізге сала кетейік, бұдан бұрын Үкімет қаулысымен еліміздің әр облысы Маңғыстау облысына 100 млн. теңгеден қаржы аударуға міндеттелген болатын.

«Бүгінде 5 өңір тиісті қаржыны бөлді», - деп түйіндеді сөзін Ө.Шөкеев.