Палестиналық футболшылар 15 жылдан соң алғашқы матчын өткізді
08:44, 07 Тамыз 2015
АСТАНА. ҚазАқпарат - Иордан өзенінің Батыс жағалауы мен Газа секторының футбол командалары соңғы 15 жылда алғашқы матчын өткізді.
Ойын 0:0 есебімен аяқталды.
Газа секторындағы Аль-Ярмук стадионына екі мыңға жуық жанкүйер жиналды. Олар Батыс жағалаудың "Аль-Ахли" командасы мен Газаның "Шеджайя" құрамасы арасындағы матчты тамашалауға келді.
Жексенбі күні командалар «Палестина кубогі» аясында Батыс жағалау аумағында тағы бір ойын өткізуі керек.