Шиеліде құбырларды өзара біріктіретін тетіктер шығарыла бастады
15:36, 03 Наурыз 2010
ҚЫЗЫЛОРДА. Наурыздың 3-і. ҚазАқпарат (Руслан Игілік) - Шиелі ауданындағы «Алтын бала - 08» жауапкершілігі шектеулі серіктестігі құбырларды өзара біріктіретін тетіктерді шығара бастады,
деп хабарлайды ҚазАқпарат тілшісі.
Бұл өңірде мұндай тетіктер бұрын Алматы және Шымкент қалаларынан алдырылатын. Енді ондай қажеттілікті кәсіпкер Жарқын Омаров басқаратын серіктестік өтейтін болды. Өткен бір айда ғана 1 млн. теңгенің өніміне сұраныс түсіп, тұтынушылар өтініші қанағаттандырылды.