72 шақырымдық жол құрылысы басталды - Қызылорда облысы

ҚЫЗЫЛОРДА. Қыркүйектің 8-і. ҚазАқпарат /Жаңагүл Сердалы/ - «Батыс Еуропа - Батыс Қытай» халықаралық транзиттік дәлізінің жұмыстары бүгінде Сыр өңірінде қарқынды жүріп жатыр.

Облыс аумағына қарасты Жосалы кентінің тұсында жергілікті «Дорстрой» ЖШС-і «Салини» компаниясы мердігерлері бірігіп 72 шақырымдық жол құрылысын бастады. Қазірде құрылыс маңында құрастырмалы асфальт зауыты еш іркіліссіз жұмыс істеп тұр. Бүгінде көлік қатынасын жетілдіруге серпін беретін күре жолдың бет алысы жаман емес. Халықаралық талапқа сай салынған күре жолдың сапасы жақсы болатынына бірлескен серіктестік кепілдеме беріп отыр.