А.Лукашенко мен Н.Назарбаев Жоғары Еуразиялық экономикалық кеңес отырысына әзірлік жайын талқылады

МИНСК-АСТАНА. 24 мамыр. ҚазАқпарат - 24 мамырда Беларусь және Қазақстан Президенттері Александр Лукашенко мен Нұрсұлтан Назарбаев телефон арқылы сөйлесті, деп хабарлады БЕЛТА.

Мемлекеттер басшылары екіжақты қатынастарды дамыту, халықаралық ұйымдар ауқымындағы өзара іс-қимыл, интеграциялық бірлестіктердегі ынтымақтастық мәселелерін талқылады.

Президенттер сондай-ақ Жоғары Еуразиялық экономикалық кеңестің отырысына әзірліктің барысын талқылады. Нұрсұлтан Назарбаев Александр Лукашенконы тағы да Астанаға Еуразиялық экономикалық одақ құру туралы шарты жобасын, сондай-ақ одан әрі ықпалдастық жолдарын қарау көзделіп отырған отырысқа қатысуға шақырды.