Әбу-Дабиде ҚР Тәуелсіздігінің күніне орай 500-ден аса шетелдік қонақ қабылдауға қатысты
Әбу-Дабидегі қазақстандық елшілікке 500-ден астам адам жиналды. Қазақстанның дипломаттарын ұлттық мерекемен құттықтауға БАӘ мемлекеттік органдарының жоғары лауазымды өкілдері, БАӘ-де аккредитациядан өткен дипломатиялық корпустың және халықаралық ұйымдардың мүшелері, қоғам қайраткерлері мен бизнесмендер, түрлі компаниялардың басшылары, бұқаралық ақпарат құралдарының өкілдері, сондай-ақ Біріккен Араб Әмірліктерінде жұмыс істейтін және оқитын қазақстандықтар жиналды.
Дипломатиялық хаттамаға сәйкес, екі елдің ән-ұрандары орындалды, БАӘ-гі ҚР-дің Төтенше және Өкілетті елшісі Асқар Мусин сөз сөйледі.
Дипломатиялық миссияның басшылары Қазақстан мен Әмірліктің екіжақты қарым-қатынастары дамуының негізгі қорытындылары айтылды.
Қабылдау кезінде символикалық лотерея өткізілді, оны туристік компаниялар мен қонақ үйлер, сондай-ақ «Эйр Астана» және «Эйр Арабия» авиатасымалдаушы компаниялары сияқты жергілікті демеушілер ұйымдастырды.
Шараның соңында келген әр қонаққа ескерткіш сыйлықтар - Қазақстан жөніндегі кітап, қабырғаға ілетін күнтізбе тарту етілді.