"Абырой" қоғамдық-консультативтік кеңесінің 4-ші көшпелі отырысы өтіп жатыр

АЛМАТЫ. Ақпанның 23-і. ҚазАқпарат /Ерлік Ержанұлы/ - Бүгін Алматыда "Нұр Отан" ХДП жанындағы "Абырой" қоғамдық-консультативтік кеңесінің 4-ші көшпелі отырысы өтіп жатыр,

деп хабарлайды ҚазАқпарат.

"Бұл қоғамдық-консультативтік кеңестің биылғы жылдағы алғашқы көшпелі отырысы. Мақсат - халықтың проблемалы мәселелерін шешу ісінде партияның құрылымдарының жұмыстарын жетілдіруді талқылау және ұсынымдар әзірлеу", дейді "Спешиал Олимпикс Қазақстан" қоғамдық бірлестігінің президенті Асылхан Самратов. Оның айтуынша, бұл басқосуда "Нұр Отан" ХДП-ның 2020 жылға дейінгі бағдарламасы жобасының құрылымы талқыланады. Сондай-ақ "Абырой" қоғамдық-консультативтік кеңесінің 2010 жылға арналған жұмыс жоспары бекітілмек.