АҚШ Елшісі Қызылағаш апатында қаза тапқандардың отбасыларына көңіл айтты

; АЛМАТЫ. Наурыздың 30-ы. ҚазАқпарат /Ербол Азанбек/ - Бүгін Алматыда өткен арнайы брифинг барысында АҚШ-тың Қазақстандағы елшісі Ричард Хоугланд Алматы облысының Қызылағаш ауылында болған су тасқынынан қаза тапқандардың отбасылары мен туыстарына көңіл айтты,

деп хабарлайды ҚазАқпарат.

«Біз Қызылағаш апатында жақындарынан айырылған жанұяларға көңіл айтамыз. Қазақстан АҚШ пен халықаралық ұйымдар тарапынан көмек сұрайтын болса, біз кез-келген көмекті көрсетуге дайынбыз», деді Ричард Хоугланд.