АҚШ пен Қазақстан ядролық материалдардың заңсыз қозғалысының алдын алудағы ынтымақтастықты тереңдетуде

sp; Қазанның   30-ы. ҚазАқпарат /Арнұр Рахымбеков/ -  Қазақстан  Республикасының   Кедендік  бақылау комитеті  төрағасының  орынбасары  Сержан  Дүйсебаев  пен    АҚШ Энергетика министрлігінің  «Қорғаудың екінші  желісі»  бағдарламасы  директорының  орынбасары Элеанор Меламед бейсенбі күні Астанада  радиациялық  анықтау жүйелерімен   жарақталған    бес жаңа бекеттің  іске  қосылғанын ресми мәлім етті.

АҚШ-тың Қазақстандағы    Елшілігінің  хабарлауынша,  «бұл    ядролық   материалдардың  заңсыз  қозғалысына  жол бермеу   жөніндегі     қос агенттіктің   ынтымақтастығындағы  асулы кезең». Жаппай    қырып-жоятын  қару-жарақтың  таралуына  қарсы күресудің  бұл қадамы    Қазақстан  мен Құрама Штаттардың арасындағы дамып  келе  жатқан берік серіктестіктің тағы   бір   мысалы.

АҚШ-тың  Энергетика министрлігі мен Қазақстанның Қаржы министрлігі  ядролық    материалдардың  заңсыз  қозғалысының алдын  алу саласында 2006    жылдан бері  ынтымақтасып   келеді. Екіжақты серіктестіктің  аясында американ тарабы    ядролық және радиактивті  материалдардың  заңсыз   қозғалысының    жолын  кесу  жөніндегі Кедендік бақылау комитетінің мүмкіндіктерін  әрі  қарай    нығайтуға көмектесіп келеді.