Ақсу қаласы сайлауға дайын - Павлодар облысы

ПАВЛОДАР ОБЛЫСЫ. 12 қаңтар. ҚазАқпарат /Вера Ливинцова/ - Павлодар облысының Ақсу қаласында сайлау науқанын өткізу бойынша үлкен дайындық жұмыстары жүргізілді.

«Сайлау учаскелері қажетті жабдықтар, ұйымдастыру техникасы және материалдармен қамтамасыз етілді. Қалада аймақтық және учаскелік комиссиялардың төрағалары және хатшыларымен жиын өткізілді, сайлау учаскелерін құқықтық тәртіппен, өрт қауіпсіздігімен, үздіксіз байланыспен қамтамасыз ету мәселелері талқыланды», - деп мәлімдеді Ақсу қаласының аумақтық сайлау комиссиясының төрағасы Ермек Серекбаев.

Ақсу қаласының және оның ауылдық аймақтарының сайлау учаскелері ҚР Парламент Мәжілісі мен барлық деңгейдегі мәслихаттары депутаттарын сайлауға жүз пайызға дайын.