Ақтау әкімдігінде жаңа тағайындаулар

АСТАНА. ҚазАқпарат - Ақтау қаласының әкімі Серікбай Трумовтың өкімімен әкімнің екі орынбасары мен қалалық дене шынықтыру және спорт бөлімінің бастығы тағайындалды.

1 қазаннан бастап Ақтау қаласы әкімінің мәдениет, білім және әлеуметтік даму мәселелері жөніндегі орынбасары Юрий Дирр, Ақтау қаласы әкімінің кәсіпкерлікті дамыту және ауыл шаруашылығы мәселелері жөніндегі орынбасары Тілек Қошмағанбетов және қалалық дене шынықтыру және спорт бөлімінің бастығы Қанат Жұмабаев жаңа қызметтеріне кірісті. Қала әкімі қайта тағайындалған мамандарды жұртшылыққа таныстырды, деп хабарлайды lada.kz.