Ақтауда 4-ші Маңғыстау аймақтық «Мұнай және Газ, Инфрақұрылым - 2009» көрмесі өтіп жатыр
деп хабарлайды ҚазАқпарат тілшісі.
2006 жылдан бері өткізіліп келе жатқан «Mangystau Oil,Gas & Infrastructure» көрмесін Қазақстандық Iteka көрмелер компаниясы мен оның халықаралық серіктестері Ұлыбританияның ITE Group Pic, Ресейдің ITE Moscow Lic компаниялары ұйымдастырып отыр. Сондай-ақ көрмеге қолдау көрсетіп отырған ҚР Энергетика және минералдық ресурстар министрлігі, Маңғыстау облысының әкімшілігі, «ҚазМұнайГаз» БӨ» АҚ-ы.
Бұл жолы көрмеге 100-ге жуық экспонант қойылды. Олардың ішінде Германия, Голландия, Үндістан, Қазақстан, Ресей, Франция, АҚШ пен басқа елдердің де мұнай өндіруші, құрылыс, сервистік , машина жасаушы, тасымалдау компаниялары, жабдық және телекоммуникациялар жеткізушілері бар.
Көрменің салтанатты ашылуына Маңғыстау облысының әкімі Қырымбек Көшербаев, жергілікті мұнай- газ мекемелерінің және шетелдік компаниялардың басшылары мен өкілдері, БАҚ қатысуда.