Ақтауда Иран елінің кеме қатынастары жөніндегі ұйым жетекшілерінің қатысумен отырыс өтіп жатыр

АҚТАУ. Мамырдың 30-ы. ҚазАқпарат /Анаргүл Төлегенова / - Ақтауда Қазақстан және Иран кеме қатынастары жөніндегі ұйым жетекшілерінің қатысуымен отырыс өтіп жатыр,

деп хабарлайды ҚазАқпарат тілшісі. Екі күндік сапармен келген меймандар - Анзали, Амирабад, Ноушахр порттары мен Иран кеме қатынасы ұйымының жетекшілері. Басқосуда Қазақстан мен Иран арасындағы көлік және инвестиция саласындағы әріптестік жөніндегі мәселелер қаралды. Сондай-ақ екі елдің мультимодальдық көліктік-логистикалық біріккен орталығын құру, транзиттік жүк тасымалдауды жандандыру жайында әңгіме өрбуде.