Ақтауда көпқабатты үйдегі өрт сөндірілді

АСТАНА. ҚазАқпарат - Бірнеше сағаттан кейін өрт сөндірушілер тұрғын үйлердің бірінен шыққан өртті сөндірді, деп хабарлады 24.kz.

Өртті сөндіруге күшті жел кедергі жасады. Жалын 800 шаршы метр аумақты шарпыды. Өртті сөндіруге 30-дан астам техника тартылды.

Еске сала кетейік, бүгін, 8 желтоқсанда Ақтаудың көпқабатты үйлерінің бірінде күшті өрт болды. Тұрғын үй ғимаратының төбесі өртке оранып, одан кейін жоғарғы қабат өртенді.