Ақтөбе облысында қар құрсауынан «УАЗ» көлігі мен 12 адам құтқарылды

АСТАНА. 1 наурыз. ҚазАқпарат - Сәрсенбі күні Ақтөбе облысының Ойыл ауданында Ақшатау және Талтоғай кентінің арасындағы күре жолда ауа райының бұзылуынан «УАЗ» көлігі мен 12 адам қар құрсауында қалып қойды.

Бұл туралы ҚР ТЖМ-нің баспасөз қызметінен хабарлады.

Ойыл аудандық Төтенше жағдайлар бөлімінің және әкімдіктің күшімен көліктер адамдармен бірге жолдың тазаланған учаскесіне шығарылды. Зардап шеккендер жоқ.