Ақтөбеде «Бабадан қалған байтағым» атты аймақтық ақындар айтысы өтеді
Бұл туралы «Нұр Отан» партиясының баспасөз қызметі хабарлады.
Шараның мақсаты - айтыс өнерін мәдениетіміздің баға жетпес асыл мұрасы ретінде халыққа жан-жақты насихаттау, айтыскерлер арқылы ежелгі мемлекетшілдік идеясын дәріптеп, елдегі халықтар достығын, береке-бірлікті және саяси тұрақтылықты, аймақтағы ауқымды жұмыстарды жырға қосу.
Айтыс екі айналымда өтеді. Алғашқы айналымнан ұпай саны бойынша алға шыққан екі айтыскер ақтық мәреге шығады. Жүлде қоры - 5 100 000 теңге. Бас жүлде - 1 500 000 теңге, І орын - 1 000 000 теңге, ІІ орын - 700 000 теңге, ІІІ орын - 500 000 теңге, ал жүлделі орынға ілікпеген ақындарға 100 000 теңгеден ынталандыру сыйлығы беріледі.
Айтыстың жүргізушісі - Қазақстан Республикасының еңбек сіңірген қайраткері, М.Мақатаев атындағы сыйлықтың екі мәрте лауреаты, ақын, журналист Жүрсін Ерман.