Ақтөбеде балауыз мүсіндер мұражайының көрмесі ашылды

АҚТӨБЕ. Мамырдың 4-і. ҚазАқпарат /Самал Ендібаева/ - Облыстық сурет және сәндік-қолданбалы өнер мұражайында ерекше көрме ашылды - мамыр мерекелері күндері ақтөбеліктерге санкт-петерборлық «Гиннестің рекордтар кітабындағы бірегей адамдар» атты балуыз мүсіндер мұражайы келді.

Облыстық сурет және сәндік-қолданбалы өнер мұражайының ғылыми қызметкері Ботагөз Жәленованың айтуынша, көрмеде бірегей адамдар мен сүйікті кейіпкерлердің 50 мүсіні қойылған. Бейнелер нақты көлемінде балауыз мен силиконнан жасалған.

Мұнда кеңес кезіндегі ең жылдам өтетін фильмдердің бірі «Жолы болғыштар» киносының кейіпкерлері, сондай-ақ американдық ең танымал анимациялық фильмнің кейіпкерлері Шрек пен Есек, үлкен құлақты адам Француа Пелья, ең кішкентай егіздер, ең үлкен аяғы бар адам - Мэтью Макгроридің бейнелері бар. Оның табанының көлемі 60 сантиметров, ал бойы 2 метр 15 сантиметр.

Көрмеде «пингвин-әйел» - цирк қызметкері Мадам Минон, сонымен қатар, басы 180 градусқа бұрылатын, рекордтар кітабына ең майысқақ адам болып кірген бұранда адамды да көруге болады.

Көрме бір айға жалғаспақ.