Әлеуметтік әріптестік жөніндегі об­лыс­тық үшжақты комиссияның отырысы өт­­­кізілді

ҚЫЗЫЛОРДА. Сәуірдің 6-ы. ҚазАқпарат /Руслан Игілік/ - Кеше облыс әкімдігінің мәжіліс залында әлеуметтік әріптестік пен әлеуметтік және ең­бек қатынастарын реттеу жөніндегі об­лыс­тық үшжақты комиссияның кезекті отырысы өт­­­кізілді,

деп хабарлайды ҚазАқпарат тілшісі.

Комиссия жұмысын облыс әкімінің бі­рінші орынбасары, облыстық үшжақты ко­мис­сияның төрағасы Мадияр Алдоңғаров жүргізді. Онда облыс әкімдігі мен облыстық кәсіподақтар кеңесі және «Атамекен» одағы арасында 2009-2011 жылдарға арналған келісім бойынша атқарылған жұмыстар барысы қаралды.

Комиссия жұмысының басты мақсаты - жұмыс­шылар мен жұмыс берушілер арасындағы еңбек қатынастарын ұжымдық шарттар арқылы реттеу, қоғамда әлеуметтік тұрақтылықты сақтау және халықты жұмыспен қамта­масыз ету.

Отырыста алғашқы болып хабарлама жасаған облыстық кәсіпкерлік және өнеркәсіп басқармасының бастығы Серік Сермағамбетов өткен жылы қол жеткізілген көрсеткіштерге тоқталды. Атап айтқанда, былтыр облыстың негізгі саласы саналатын өнеркәсіп өндірісінде 587 млрд. теңгенің өнімі өндірілді. Мұнан кейін хабарлама жасаған ҚР Еңбек және ха­лық­ты әлеуметтік қорғау министрлігінің бақылау және әлеу­меттік қорғау комитетінің Қызылорда облысы бойын­ша басқармасы бастығының орынбасары Әбдіғазы Ас­қар­ұлы ұжымдық шарттар арқылы қоршаған ортаны қа­лыптас­тыру мен денсаулық сақтау шараларын ұйым­дас­тыру барысына кеңінен тоқталды.