Алматы дәрігерлері қышыма дертінің көбейгеніне алаңдаулы

Жыл басынан бері биыл 12 адам тері ауруына шалдыққан. Олардың 75 пайызы балаларда анықталған. Өткен жылы осы кезең аралығында 7 науқас тіркелген екен. Мамандардың айтуынша, мұндай көрсеткіш балаларға арналған мекемелердегі медициналық қызметкерлердің науқас балаларды бірден анықтауында болып отыр. «Әсіресе, жазғы демалыстан кейін тері қышымасы балалар арасында өршіп кетеді. Ал үлкендер өздерінше ем-дом жасап, мамандарға қаралмайды. Өйткені бұл қаралу түгіл, айтуға ұят нәрсе деп санайды. Сондықтан үлкендер арасындағы анықталу деңгейі төмен болып отыр», делінген баспасөз хабарламасында. Дәрігер мамандар қышыма дертінің белгілері пайда болған жағдайда қалалық тері-венерологиялық диспансерге жүгініп, 274 01 95, 274 05 85 телефондарына хабарласуды сұрайды.