Алматы қаласының әкімі мен Штутгарт қаласының обербургомистрі кездесті
деп хабарлайды ҚазАқпарат әкімнің баспасөз қызметіне сілтеме жасап.
Жүздесу барысында екі қаланың көлік инфрақұрылымы, өндіріс, мәдениет және медицина салаларындағы ынтымақтастық жайы талқыланды. Бұл мәселелер бойынша маусым айында Штутгарттағы Алматы күндері аясында қалалар арасында ынтымақтастық туралы бірлескен келісімге қол қойылған болатын. Қазіргі таңда қалалық құрылыс басқармасы мен "Роберт Боштың" қазақстандық филиалы қараша айында Алматыда пайдалануға берілетін балабақшаға Buderus күн жүйесі қондырғысын қою туралы шешім қабылдап отыр. Сондай-ақ "Медеу" спорт кешеніне күн коллекторын қоюдың техникалық детальдары өңделуде. 300 орындық қалалық ауруханаға Buderus жүйесіндегі қазандықты орнату және Германиядан қажетті медициналық жабдықтар алу жоспарлануда.