Алматы облысында 28 шағын электр өндіруші стансы салынады

АЛМАТЫ. Қыркүйектің 27-сі. ҚазАқпарат /Ербол Азанбек/ - Алдағы 3-4 жыл көлемінде Алматы облысында 28 шағын электр стансылары салынады. Бұл туралы Мойнақ ГЭС-і құрылысымен танысу сапары барысында Алматы облысы әкімінің орынбасары Болат Тәкенов айтты, деп хабарлайды ҚазАқпарат.

«Алматы облысы қазіргі кезде электр энергиясын алуда басқа аймақтарға тәуелді. Сондықтан қазіргі кезде Мойнақ ГЭС-інен бөлек «Шағын энергетика» жобасын жүзеге асырудамыз. Бұл бойынша шағын өзендер бойына энергетика өндіруші 26 су электр стансысы, сондай-ақ Шелек аймағы мен Жоңғар қақпасында 2 жел қуатымен жұмыс істейтін, өндіруші стансы салу көзделіп отыр. Жел стансылары бойынша жобалау жұмыстары осы аптада басталады», деді облыс әкімінің орынбасары.