Алматы облысында бір тәулік ішінде жол апатынан 20 адам зардап шекті

ТАЛДЫҚОРҒАН. 9 шілде. ҚазАқпарат - Алматы облысының Еңбекшіқазақ ауданында Қайназар-Маловодное жолында «Мерседес-Бенц» қарсы бағытта келе жатқан «Хонда CRV» көлігімен соқтығысқан.

Салдарынан жолдың жиегіне шығып кеткен Мерседес үш жаяу жүргіншіні қақты. Салдарынан Есік қаласының ауруханасына 11 адам жатқызылды, оның ішінде 6 жастағы бүлдіршін де бар.

Екінші жол апаты Алматы-Жетіген тас жолында тіркелді. «Тойота Пикник» және «Мицубиси Галант» көліктері соқтығысып, жарақаттанған 9 адам Өтеген батыр ауылындағы ауруханаға жатқызылды. Олардың бесеуі - балалар.

Алматы облысының тәртіп сақшылары екі апат бойынша тергеу жұмыстарын жүргізуде.