Алматы облысында болған өрт салдарынан аспазшы мерт болды

АСТАНА. Қарашаның 2-сі. ҚазАқпарат  - Қарашаның 1-і күні Алматы облысының Іле  ауданында құрылысы жүріп жатқан жатқан халыққа қызмет көрсету орталығының аймағында орналасқан ағаш вагонда өрт шықты.

Оқиғаның салдарынан аспазшы азамат мерт болды.

Бұл туралы ҚазАқпаратқа Төтенше жағдайлар министрлігінің баспасөз қызметінен хабарлады.

 Аталмыш оқиға қарашаның 1-і күні, яғни өткен жексенбіде болған. Өрт 16 шаршы метр аймақты қамтып, төтенше жағдайлар саласының қызметкерлері оны таңғы 7-лер шамасында сөндірді.