Алматы облысында бүгін 400 мыңнан астам көшет отырғызылады

ТАЛДЫҚОРҒАН. 23 сәуір. ҚазАқпарат /Сандуғаш Дүйсенова/ - Бүгін Алматы облысында «Жасыл жапырақ» республикалық акциясы аясында 439 мыңнан астам көшет отырғызылады.

Облыстық әкімдіктің баспасөз қызметінен хабарлағандай, ол көшеттердің ішінде алма ағашы, өрік, терек, шегіршін, емен, шетен, мойыл және мамыр гүл бар.

Барлығы іс-шараға облыстың 152 мың тұрғыны қатысып отыр, олардың 63 600-ы жастар.