Алматы облысының полицейлері «Түнгі қаладағы балалар» акциясы барысында 10 мас жеткіншекті анықтады

ТАЛДЫҚОРҒАН. 22 сәуір. ҚазАқпарат /Сандуғаш Дүйсенова/ - «Түнгі қаладағы балалар» республикалық акциясының үш күнінде Алматы облысында 351 ата-ана әкімшілік жауапкершілікке тартылды.

Облыстық ІІД баспасөз қызметінен хабарлағандай, жазаланғандар ішінде ішінде кәмелетке толмағандар анықталған түнгі клуб иелері де бар. Оларға айыппұл салынды.

Кәмелетке толмағандардың түнгі уақытта үйден тыс мас күйінде болудың ең көп фактісі Талдықорған (62) мен Іле ауданында (47) тіркелді. Он бала мас күйінде болды, деп нақтылады облыстық ІІД баспасөз қызметі.

«Түнгі қаладағы балалар» акциясы 25 сәуірге дейін жалғасады.