Алматы түбіндегі Іле полигонында «Дала қыраны-2010» бітімгершілік оқу-жаттығулары басталады

АЛМАТЫ. Тамыздың 16-сы. ҚазАқпарат - Бүгін Алматы жанындағы Іле полигонында Қазақстан, АҚШ пен Ұлыбритания әскери қызметкерлерінің қатысуымен «Дала қыраны-2010» арнайы-тәсілді бітімгершілік оқулары басталады.

Салтанатты ашылу рәсіміне осы мемлекеттердің қарулы күштері басшылығының өкілдері қатысады, деп хабарлады ҚР Қорғаныс министрлігінің баспасөз қызметі.

Оқулардың мақсаты - ұжымдық қауіпсіздікпен қамтамасыз ету, бітімгершілік операцияларын жүргізу барысында өзара іс-қимыл жасау мен үйлестіру мәселелерінің шешімін табу болып табылады.

Халықаралық оқу-жаттығулар он күнге созылады.