Алматы зообағының жануарлары көптен күткен жауынды қуана қарсы алды (ФОТО)

АЛМАТЫ. ҚазАқпарат - Алматыда шілденің ортасынан тамыздың ортасына дейін ми қайнатар аптап ыстық болғаны белгілі. Шілденің шіліңгір ыстығында зообақ жануарлары қалай қорғанғаны туралы жазған едік. Айта кетейік, мұнда салқын табиғат ортасында өмір сүретін жануарлар бар.

Әдетте судан алыс жүретін мысық тұқымдастар жолбарыстар, леопардтар, гепардтар да жауын тамшыларының астында жатты.

Су қоймаларында құстардың нағыз базары болды.

Тек қолтырауындар ғана бассейннің түбіне шөкті. Олар су бетіне шықса тағы ыстық күнге күюден әлі де қорқып жатқан тәрізді.