Алматыда Қазақстан және Челябі облысы өкілдерінің кәсіпкерлік-кездесу өтеді

АЛМАТЫ. Мамырдың 3-і. ҚазАқпарат /Нәзира Елеухан/ - Алматыда мамырдың 12-і күні Қазақстан және Челябі облысы (Ресей) өкілдерінің бизнес -кездесуі өтеді, деп хабарлайды ҚазАқпарат.

Аталмыш шараның ұйымдастырушылары - Алматы қаласының Сауда-өнеркәсіптік палатасы.

Ресей делегациясының құрамында - Челябі облысындағы ең ірі 12 компанияның басшылары және жетекші мамандары бар.

Бүгінде Челябі облысы Ресей аумағындағы индустриясы дамыған облыс болып саналады. Облыста әсіресе, металлургия, көлік жасау, құрылыс, аграрлық шаруашылық, отын-энергетика салалары жақсы дамыған. Салалық кешендерде екі мыңнан аса ірі және орташа кәсіпорындар жұмыс істеуде.