Алматыда Орталық Азия мен Кавказдағы қауіпсіздік мәселелеріне арналған аймақтық семинар өтеді

АСТАНА. Мамырдың 25-і. ҚазАқпарат /Ернұр Ақанбай/ - Мамырдың 26-27-сі күндері Алматыда ҚР Қорғаныс министрлігі ЕҚЫҰ-ның Алматыдағы орталығымен бірлесіп, «1999 жылғы Вена құжатынан 10 жыл өткеннен кейін, қауіпсіздік пен сенім шаралары: Орталық Азия мен Кавказдағы қауіп қатерлерге жаңа әдістеме мен көзқарастар» атты аймақтық семинар өткізеді,

деп хабарлайды ҚазАқпарат.ҚР Сыртқы істер министрлігінің ресми өкілі Ержан Ашықбаевтың айтуынша, семинар жұмысына Орталық Азия мемлекеттерінің, Кавказдың, ТМД және Еуропалық Одақ елдерінің қорғаныс және сыртқы саясат ведомстволарының өкілдері, сондай-ақ Стокгольмнің Әлемді зерттеу жөніндегі халықаралық институтының, ҚР Президенті жанындағы Стратегиялық зерттеулер институтының, ЕҚЫҰ хатшылығының өкілдері қатысатын болады.