Алматыда өтетін 28-ші қысқы Универсиаданың логотипі, ұраны мен тұмарын әзірлеуге республикалық байқау жарияланды
Болжамдарға сенсек, Универсиада кезінде Алматыға FISU құрамына кіретін елдерден 5000-ға жуық қатысушы келеді. Сайыстар дүние жүзінің 100 телеарнасынан көрсетілетін болады.
«2017 жылғы 28-ші қысқы Универсиаданың ұйымдастыру комитетінің атқарушы дирекциясы» мемлекеттік қоры 2017 жылы Алматыда өтетін жарыстың логотипі, тұмары мен ұранын әзірлеуге конкурс жариялайды.
Байқаудың ақшалай қоры 1 000 000 (1 млн.) теңгені құрайды.
Ағымдағы жылдың 15 қазанынан 12 қарашасына дейін өтетін байқауға 18 жасқа толған ҚР-ның кез-келген азаматы қатыса алады.
Байқаудың жеңімпазы конкурстық комиссия шешімінің негізінде анықталатын болады.
Байқаудың қорытындысы ағымдағы жылдың 15 қарашасында www.2017almaty.kz сайтының "Республикалық конкурс" бөлімінде орналастырылатын болады.