Алматыда өткен республикалық ән-би байқауынан «Сымбат» би тобы бас жүлдемен оралды

ОРАЛ. Сәуірдің 1-і. ҚазАқпарат /Елжан Ералы/ - Алматы қаласында балалар мен жасөспірімдер арасында «Айман» продюсерлік орталығы өткізген «Ғұмырдария» республикалық ІІ ән-би байқауынан Ақжайық ауданындағы үлгілі «Сымбат» би тобы бас жүлдемен оралды,

деп хабарлайды ҚазАқпарат тілшісі.

Олар 14-17 жас аралығындағы өнерпаздардан құралған он топтың арасынан үздік көрінді. «Шалқыма» және грузин биін шеберлікпен орындаған «сымбаттықтар» халықаралық «Ғұмырдария» ән-би байқауына жолдама алды. Бұған дейін де аталмыш би тобы Түркия, Украинада өнер көрсеткен болатын.

Байқаудан оралған өнерпаздарды аудан әкімінің орынбасары Меңзипа Жұматова қабылдап, бишілер мен жетекшісі Ләззат Құбаеваға алғысын білдірді.