Алтын бағасы унциясына 1 200 долларға арзандап кетті

АСТАНА. ҚазАқпарат - Алтын саудасы дүйсенбі әлемдік нарықта 17 ақпаннан бері алғаш рет унциясына 1 200 долларға арзандады, металдың бағасының түсуіне АҚШ Федеральды резерв жүйесінің (ФРЖ) елдегі базалық пайыздық жарнаны көтеру мерзімі туралы мәлімдемесі әсер етті, деп хабарлайды «РИА Новости» агенттігі.

Алтынның тамыздық фьючерсінің бағасы Comex Нью-Йорк биржасында 7,10 долларға арзандап, немесе 0,58%-ға құлдырап унциясына 1 209,7 долларға бағаланды. Бұған дейін осындай төмен баға ақпан айында тіркелген.