Арал ауданында биылғы барыс жылы Ақтан батырға арналып отыр - Қызылорда облысы

ҚЫЗЫЛОРДА. Қыркүйектің 28-і. ҚазАқпарат /Жаңагүл Сердалы/ - Қызылорда облысы Арал ауданында әрбір жылды атаулы етіп, кезінде қол бастаған батырларының есімдері мен ерлік істерін ұлықтауды дәстүрге айналдырып отыр.

Бұл игі бастаманың жалғасын тапқанына биыл алтыншы жыл. Үстіміздегі жылы баба рухын ұлықтауға аудандық бюджеттен 58 млн. теңге бөлініп, аудан орталығындағы Ақтан батыр көшесі абаттандырылып, биіктігі 14 метрлік қос батыр - Ақтан мен Жанқожаның ескерткіші ашылады. Бүгінгі таңда аралдықтар алда өтетін шараға қызу дайындық үстінде. Батырға арналған төсбелгі, күнтізбе шығарылып, ат бәйгесін өткізу жоспарда бар.