Арал қаласында газ баллонының жарылуы салдарынан 4 жасар сәби мерт болды

ТАНА. 9 қараша. ҚазАқпарат - Қызылорда облысы Арал қаласында газ баллонының жарылуы салдарынан 4 жасар сәби мерт болды. Бұл туралы ҚР ТЖМ-нан хабарлады.

Мәлім етілгендей, 8 қараша күні таңертеңгі сағат жеті шамасында Әйтеке би көшесіндегі жекеменшік тұрғын үйде 25 литрлік газ баллоны жарылды. Өрт болған жоқ, бірақ, 20 шаршы метр аумақта үйдің қабырғалары құлады. 2007 жылы туған балдырған сол мезетте көз жұмды, 1964 жылғы әйел ауруханаға жеткізілді.