Арал теңізінде үш балықшы із-түссіз жоғалды

АСТАНА. 30 желтоқсан. ҚазАқпарат - Қызылорда облысында Арал теңізінде із-түссіз жоғалған балықшылар іздестірілуде.

ҚР Төтенше жағдайлар министрлігінен мәлім еткендей, үстіміздегі желтоқсан айының 27-сі күні Арал теңізінің «Тоқал» учаскісіне балық аулауға шыққан Аманөткел ауылының үш балықшысы іс-түссіз жоғалды.

21-28 жастағы азаматтарды іздестірумен жергілікті тұрғындар мен ҚР ТЖМ Қызылорда облысы бойынша ТЖД Арал ауданының Төтенше жағдайлар бөлімшесінің қызметкерлері айналысуда.