«Арселор Миттал Теміртау» компаниясы әлеуметтік жобаларға 1 млрд. теңгеден астам қаражат қарастырып отыр - Ф. Паннир
деп хабарлайды ҚазАқпарат.
Компания басшылығының айтуынша, Үкіметпен және Теміртау, Қарағанды қалаларының әкімдіктерімен жасалған арадағы меморандумның аясындағы әлеуметтік міндеттер орындалуда. Бұл келісімнің негізінде компанияның қолдауымен спорт, мәдениет салаларының, балалар және қарттар үйлерінің, студенттердің және аймақтың жергілікті проблемалары шешімін тауып келеді. Атап айтсақ, Абай қаласының жолдары қалпына келтіріліп, Теміртау мен Шахтинскіде саябақтары мен скверлері жаңаланды. Компания Теміртау қаласын жылу, электр энергиясы, су жеткізілімдері қызметтерімен қамтамасыз етіп, тұрғын үй- коммуналдық шаруашылыққа жыл сайын 500 млн. теңге бөлуді дәстүрге айналдырған. Сондай-ақ қалада трамвай паркі Чехияның жаңа 12 көлігімен толықты.
Қаражал қаласын сумен қамтамасыз етудің көп жылдар бойы шешімін таппай келген проблемасы шешілді.
Компанияның баспасөз қызметі атап көрсеткеніндей, биыл Қазақстан магниткасына 50 жыл және Ұлы Жеңістің 65 жылдығы мерекелеріне орай ауқымды бағдарлама жасақталды.