Астанада Әлем және дәстүрлі діндер басшыларының съезін өткізу идеясы Орыс православ шіркеуінің жан-жақты қолдауына ие болды
Бұл туралы Орыс Православ шіркеуінің сыртқы шіркеу байланыстары бөлімінің төрағасы, Волоколамский Архиепископы, Мәскеу және бүкіл Русь Патриархының викарийі Илларион Қазақстан Республикасы Парламент Сенатының төрағасы Қасым-Жомарт Тоқаевпен болған кездесуде мәлім етті, деп хабарлады заң шығару палатасының баспасөз қызметінен.
Кездесу барысында Қ.Тоқаев, ағымдағы жылы Астанада Қазақстан Президенті Нұрсұлтан Назарбаевтың төрағалығымен өткен Әлем және дәстүрлі діндер басшыларының съезі сәтті өткенін және әлемдік және дәстүрлі діндер мен конфессияларды жақындату мақсатында бірлесіп жұмыс істеудің қажеттілігін паш еткенін атап көрсетті. Қ.Тоқаев, Орыс Православ шіркеуінің өкілдерін ағымдағы жылдың желтоқсан айында өтетін келесі, төртінші Съездің хатшылығының мәжілісіне қатысуға шақырды. Сенат спикері сондай-ақ, IV Съезге Патриарх Кириллдің қатысуының маңыздылығын атап көрсетті.
Кездесу барысында атап көрсетілгендей, келесі жылы Патриарх Кириллдің Қазақстанға сапары болуы мүмкін. Оның Әлем және дәстүрлі діндер басшыларының IV съезіне қатысуы жоспарлануда. Викарий Илларионның да Қазақстанға сапары жоспарланып отыр.