Астанада «Әлеуметтік жаңғыру жолындағы денсаулық сақтау реформалары» тақырыбында дөңгелек үстел өтеді

АСТАНА. 14 қараша. ҚазАқпарат - Ертең Астанада «Әлеуметтік жаңғыру жолындағы денсаулық сақтау реформалары» атты дөңгелек үстел мәжілісі өтеді, деп хабарлады ҚР Денсаулық сақтау министрлігінің баспасөз қызметі.

Жиынға ҚР Президент Әкімшілігінің, ҚР Үкіметінің, сондай-ақ халықаралық ұйымдар: Дүниежүзілік денсаулық сақтау ұйымының, Әлемдік банктың, Біріккен Ұлттар Ұйымы Даму Бағдарламасының, ЮНИСЕФ-тің, Ғаламдық қордың және т.б. өкілдері қатысады деп жоспарланып отыр. 

«Технологияларды беру және Қазақстан Республикасының денсаулық сақтау секторында институционалдық реформа жүргізу» жобасы - ҚР Үкіметі мен Әлемдік банктің бірлескен жобасы.  

Шара аясында Дүниежүзілік денсаулық сақтау ұйымының Еуропа бюросының директоры Жужанна Жакаб баспасөз мәслихатын өткізеді.