Астанада жаңа судьялар тағайындалды

АСТАНА. ҚазАқпарат - Бүгін Астана қалалық сотының төрағасы Тілектес Бәрпібаев судьялық қоғамдастыққа аудандық және оған теңестірілген судьяларды таныстырды, деп хабарлайды «ҚазАқпарат» ХАА ведомствоның баспасөз қызметіне сілтеме жасап.

ҚР Президентінің 22 қыркүйегіндегі жарлығымен Астана қаласы Алматы аудандық сотының судьясы қызметіне  Айбек Амангелдин мен Досжан Жұмаев, Астана қаласы Сарыарқа аудандық сотының судьясы лауазымына Айгүл Сайлыбаева, Астана қаласы мамандандырылған ауданаралық экономикалық сотының судьясы болып Нариман Бекназаров тағайындалды.

Сот төрағасы судьялардың жұмысына табыс, сондай-ақ оларға жүктелген судья міндеттерін адал атқаруларын тіледі.