Атбасарда 26 жастағы ер адам суға батып кетті

КӨКШЕТАУ. ҚазАқпарат - Атбасарда 26 жастағы ер адам суға батып кетті. Бұл туралы аймақтық ТЖД баспасөз қызметінен хабарлады.

«Қайғылы оқиға 4 тамыз күні кешкі сағат 20.30 шамасында Атбасар қаласындағы Жабай өзені арқылы өтетін автокөлік көпірі маңында орын алған. Мас күйінде суға шомылмақ болған 1989 жылғы ер суға батып кеткен. Араға 20 минут салып жергілікті тұрғындар оның денесін жағаға алып шықты», делінген хабарламада.