Атырау облысы мен РФ шекарасында 20 тонна контрабандалық балық ұсталды

АТЫРАУ. 4 мамыр. ҚазАқпарат - Атырау облысында Ресей Федерациясының Астрахан облысымен шекарада 20 тонна контрабандалық балық ұсталды.

Облыстық ІІД баспасөз қызметінің жетекшісі Гүлнәзира Мұхтарова мәлім еткендей, заңсыз жолмен ауланған - сазан, лақа, ақтабан және торта шабақ балықтарын Ресей азаматы алып өтпек болған. Балық тәркіленді, контрабандашы тұтқындалды. Тергеу жүргізілуде.