Атырау облысында араға он жыл салып үшем дүниеге келді

АТЫРАУ. ҚазАқпарат - Атырау облысының Мақат ауданында үшем өмірге келді.

«Бөбектер Саламат және Самал Ермағамбетовтардың жанұясында дүние есігін ашты. Оларға Мұххамед, Әли және Ариф деген есімдер берілді. Мақат ауданы үшін бұл ерекше оқиға, себебі бұдан бұрын үшем біздің ауданда он жыл бұрын туған болатын. Қазіргі сәтте жұмыссыз жүрген жанұя отағасына жұмыс тауып беру мәселесі қарастырылып жатыр», - деп мәлімдеді аудандық әкімдіктен.