Атырауда Каспий теңізіне шамамен 100 мыңдай шоқыр балығының шабақтары жіберілді

АТЫРАУ. Қыркүйектің 3-і. ҚазАқпарат /Андрей Соколов/ - Атыраудағы бекіре балығын өсіретін зауыт Каспий теңізіне 100 мыңдай шоқыр шабағын жіберді.

«Биылғы жылы шабақтарды өсіруді біз бірнеше себептерге байланысты кеш бастадық. Бірақ өткен жылдарға қарағанда, биыл шабақтарды 5 грамға дейін емес, 20 грамға дейін өсіріп жетілдіріп отырмыз. Бұлай еткеніміз, шабақтар өмірге тез бейімделсін, әрі аз болса да қуатты болсын деген оймен жасадық», - дейді зауыт директоры Рәшиден Калидуллин.