Атырауда мүгедектерді тасымалдайтын мамандандырылған үш шағын автобус пайда болды

АТЫРАУ. Желтоқсанның 19-ы. ҚазАқпарат /Андрей Соколов/ - Қазақстан Республикасынының Тәуелсіздік күніне Атырауда мүгедектерді тасымалдайтын мамандандырылған үш шағын автобуыс пайда болды.

«Арбашаға таңылған мүгедектерді тасымалдау үшін жабдықталған шағын автобустарды кез келген адам телефон арқылы үйіне шақыра алады. Бұл Атырауда мүмкіндікті шектеулі жандарға арналған алғашқы көлік», - дейді «Мүгедектер әлемі» қоғамдық бірестігінің директоры Гүлбаршын Нұржігітова.

Мамандандырылған шағын автобустарды «Мүгедектер әлемі» үкіметтік емес ұйымына «Сәби» қайырымдылық қоры сыйға тартты. Мүгедектер үшін такси ретінде пайдаланылатын неміс шағын автобустарын ұстап тұру шығыны жергілікті қалалық бюджет есебінен өтеледі.