Атырауда салық басқармасы бөлімінің бастығына қарсы қылмыстық іс қозғалды

АТЫРАУ. 13 қараша. ҚазАқпарат - Атырау облысы бойынша қаржы полициясы департаментінің қызметкерлері Атырау қалалық салық басқармасының өндірістік емес төлемдерді әкімшілендіру бөлімінің бастығын ұстады.

«Ұсталған азаматша кәсіпкерлердің бірінен банк есепшотын тұтқындаудан шығару және құжаттар алу мәселесін шешіп беру үшін 70 мың теңге алды деп айыпталуда. Аталған фактімен ҚР ҚК-нің 177 бабының 3 бөліміндегі «г» тармақшасы (қызметтік бабын пайдалану арқылы алаяқтық жасау) бойынша қылмыстық іс қозғалды. Қылмыстық іс тергелуде», - деп хабарлады қаржы полициясының баспасөз қызметінен.