Ауа райының қолайсыздығына байланысты Ақтөбе мен Қызылорда облыстарында жол жабылды

АСТАНА. ҚазАқпарат - Ауа райының қолайсыздығына байланысты Ақтөбе облысы мен Қызылорда облысында көлік қозғалысына шектеу қойылды. Бұл туралы ҚР ІІМ ТК хабарлады.

«Ауа райының нашарлауына байланысты (көктайғақ) Ақтөбе облысында «Самара-Шымкент» автожолының 773-1240 шақырым аралығында барлық автокөлік түрлеріне қозғалыс тоқтатылды.

Сондай-ақ Қызылорда облысында ауа райының нашарлауына байланысты (жаңбыр, көктайғақ) «Самара-Шымкент» автомобиль жолынында (1240-1356 км) жүк және жолаушылар автокөліктеріне қозғалыс тоқтатылды», - деп жазылған хабарламада.